یہ تن میرا پیار کی نگری نگر کے اندر تو

یہ تن میرا پیار کی نگری نگر کے اندر تو

جس صورت کا میں شیدائی اس کے اندر تو

---

گئے کعبہ میں تو گھیرا خیالِ زلف نے تیری

جو محرابِ حرم دیکھے تو ابرو تیرے یاد آئے

---

جہاں بھی رُخ پھیروں اپنا تیرا ہی جلوہ ہے ہر سُو

دیکھ کے مستی دیوانوں کی ہنسے نہ یہ سنسار

---

جیسے چاہے جسے نوازے یہ ہے نبی کا پیار

وہ چاہے ناچے بیچ بزار ، کہ اس کے من کے اندر تو

---

جنم جنم کے پاپی سارے اور دکھیارے لوگ

تیرے کرم کا پھر بھی ان سے سدا رہا سنجوگ

---

کہ یہ سب تیری الفت میں ترے غم تیری نسبت میں

بہاتے رہتے ہیں آنسو ، کہ ان کے من کے اندر تو

---

ادیبؔ کو جو رنگ دیا ہے اتنا اور بھی کردے

جب چاہے اور جس کو چاہے اپنے جیسا کر دے

---

یہ ہر دکھیا من کا غم خوار، محبت اس کا ہے بیوپار

بہاتا رہتا ہے آنسو ، حبیبی انت ساکن ہو