یوں تو اللہ نے کیا کیا نہ سنوارا ہوگا
یوں تو اللہ نے کیا کیا نہ سنوارا ہوگا
کوئی تُجھ سا نہ کوئی نقش اُتارا ہوگا
جا ئے دوزخ میں کوئی اُن کا اِک ادنیٰ سا غلام
یہ بھلا کیسے مُحمّد کو گوارا ہوگا
سب گناہ گاروں کو مل جائے گی جنّت کی خبر
میری سرکار کا جس وقت اشارہ ہوگا
خاکِ نعلین کا جو مل جائے ذَرّہ مجھ کو
میری نظروں میں وہی چاند ستارہ ہوگا
حاکؔم اک بار جو سرکار کا جلوہ دیکھے
اُس کا جنت میں بھلا کیسے گزارا ہوگا