زمین پیاسی تھی اس سے پہلے

زمین پیاسی تھی اس سے پہلے

ہواؤں میں تازگی نہیں تھی

---

نہ آئنہ کوئی صاف گو تھا نہ خودشنا سی تھی اس سے پہلے

کرخت لہجہ تھا موسموں کا

---

سیاہی وقت روشنی سے خراج لیتی

قدم نہیں تھے نشاں تھے خالی

---

محبتّوں کے مکاں تھے خالی

بہت اُداسی تھی اس سے پہلے

---

غرور کی منڈیوں میں جہل و عناد کا کاروبار ہوتا

عجیب رقصِ نگار ہوتا

---

قبائے تن جس کو سمجھا جاتا وہ بے لباسی تھی اُس سے پہلے

نظر بھی پتھر صدا بھی پتھر

---

تمام پتھر کے آدمی تھے

اَناؤں کے زر کے آدمی تھے

---

سروں کے ہوتے ہوئے بھی بے سر کے آدمی تھے

جنون تھا ظلم و بر بریّت تھی بدحواسی تھی اُس سے پہلے

---

۔۔۔

وہ بادلوں کی طرح جو برسا

---

تو پتھروں سے گلاب پھوٹے

چراغ لیکر ہوا میں نکلا

---

توریت سے آفتاب پھوٹے

صداقتوں کا امین ٹھہرا

---

شعور ٹھہرا یقین ٹھہرا

وہ مسکرایا تو کِھل اٹھا چہرہء زمانہ

---

حیات باسی تھی اُس سے پہلے

زمین پیاسی تھی اس سے پہلے