زیارت ہو مجھے خیر البشر کی
زیارت ہو مجھے خیر البشر کی
دوا ہے یہ مرے درد جگر کی
مقابل آئیں روئے مصطفیٰ کے
بھلا کیا تاب ہے شمس وقمر کی
لعین کیوں منکر تعظیم ہو کر
اڑاتا ہے عبث بے بال پر کی
طلب کی بخشش امت نبی نے
خدا سے گفتگو جب عرش پر کی
تن لاغر اڑا کر میرا لے جائے
چلے کب تک ہوا دیکھوں ادھر کی
خیال روئے شہ میں شب کو ہم نے
پڑھی والشمس اور روکر صحر کی
جو ہوتی ہے شب فرقت میں حالت
نہ پوچھو بیدم خستہ جگر کی