ذکر کردے رہو میرے محبوب دا
ذکر کردے رہو میرے محبوب دا
درد آپے ای راہواں بنالین گے
کالے دفتر ناں عیباں دے ویہندے رہو
کالی کملی چہ آپے چھپا لین گے
گھلو ہوکے تے ہاواں مدینے دے وَل
لائی رکھو نگاہواں مدینے دے ول
رکھدے لاجاں سدا جو غریباں دیاں
اوہ مدینے وی اک دن بلا لین گے
روک واعظ ناں سوہنے دے دربار توں
سانوں منگن دے نبیاں دے سردار توں
ڈبدے سورج نوں پیچھے جنہاں موڑیا
ساڈے لیکھاں دا سورج چڑھا لین گے
ویکھ دکھاں نوں ایویں ہیں ڈردا پیا
کملی والے نوں فریاد اپنی سنا
رحمت دو جہاں ہے لقب آپ دا
ہر مصیبت توں تینوں بچا لین گے
کرم کناں ایں اُمت تے سرکار دا
کوئی حامی تے دردی نہیں سوہنے جیہا
پھیر جاون گے جنت دیوچ مصطفے
ساری اُمت نوں پہلوں چھڑا لین گے
یاد سوہنے دی صائم مناندا رہوئیں
نعت پڑھدا تے اتھرو بہاندار ہویں
درد دل دے ہمیشہ جگاندا رہویں
درد جاگے تے قسمت جگا لین گے