زباں پر جوں ہی آیا نامِ مُحمَّد
زباں پر جوں ہی آیا نامِ مُحمَّد
جھُکا دل پئے احترامِ مُحمَّد
مرے لب پہ میری زباں پر ہے ہر دم
درودِ مُحمَّد سلامِ مُحمَّد
مُحمَّد کے جلووں کے دریا بہے ہیں
نہیں ہے کوئی تشنہ کامِ مُحمَّد
مری روح کو حال کیونکر نہ آئے
لیا ہے مرے دل نے نامِ مُحمَّد
کلامِ خدا خود ہی اس کا ہے شاہد
کلامِ خُدا ہے کلامِ مُحمَّد
یہ حسرت ہے دل میں یہ ارماں ہے دل میں
کوئی لے کے آئے پیامِ مُحمَّد
یہی میری بہزادؔ بس بندگی ہے
لئے جاؤں دن رات نامِ مُحمَّد