الوداع اے ماہِ رمضاں الوداع
الوداع اے ماہِ رمضاں الوداع
الوداع اے جانِ ایماں الوداع
تیری راتوں کی عبادت بھی مِلی
تیری صُبحوں کی مسرت بھی ملی
بھُوک میں رہ رہ کے لذّت بھی ملی
اور پھر فرقاں کی دولت بھی ملی
تیری آمد سے ہمیں عزّت ملی
دین و دنیا کی ہمیں عظمت ملی
میری عزت تیری عظمت پر نثار
میرا ایماں تیری شوکت پر نثار
تیری گردِ راہ تاجِ اولیا
تیرا ذکرِ خیر جانِ اصفیا
سال بھر تیرا رہے گا انتظار
ہم کو تڑپاتا رہے گا تیرا پیار
الوداع اے ماہ رمضاں الوداع
الوداع اے جانِ ایماں الوداع