خُدایا میں تجھ سے دعا مانگتا ہوں
خُدایا میں تجھ سے دعا مانگتا ہوں
تو راضی ہو تیری رضا مانگتا ہوں
مرا خالی کاسہ بھی بھر دے ‘ الٰہی!
میں صدقہ ‘ شہِ انبیاءؐ ! مانگتا ہوں
تِرے بن بھلا کون فریاد رس ہے
میں دردوں کا مارا دوا مانگتا ہوں
میں جائوں مدینے پلٹ کر نہ آئوں
درِ مصطفٰےؐ پر قضا مانگتا ہوں
زمانے کے ہر ایک رنج و الم میں
میں توفیقِ صبر و رضا مانگتا ہوں
گناہوں کی حِدّت نے جُھلسا دیا ہے
مدینے کی ٹھنڈی ہوا مانگتا ہوں
جہاں ہر نفس کو میسر ہو راحت
وہ امن و سکوں کی فضا مانگتا ہوں