اٹھ شیرا پاکستان دیا ہن جاگ تے ہو ہشیار اڑیا
اٹھ شیرا پاکستان دیا ہن جاگ تے ہو ہشیار اڑیا
تینوں خلقت طعنے مار دی اے چھڈ نیندر ہو بیدار اڑیا
ایہہ تیرے سون دا ویلا نہیں ایہہ وہلیاں بھون دا ویلا نہیں
بن قوم دا خدمتگار اڑیا ہن جاگ تے ہو ہشیار اڑیا
چھڈ چوپٹ تاش دیاں بازیاں نوں ایہہ کھیڈ نئی پھب دے غازیاں نوں
پھڑجا ہدو دی تلوار اڑیا ہن جاگ تے ہو ہشیار اڑیا
کیوں وچ میدان دے اوندا نئی کیوں خالدی شان دکھوندا نہیں
چھڈ لمی سوچ وچار اڑیا ہن جاگ تے ہو ہشیار اڑیا
کنیں گل دشمن دی پاویں نہ اینویں سن سن دل تے لاویں نہ
منہ دشمن دا پھٹکار اڑیا ہن جاگ تے ہو ہشیار اڑیا
پہلوں تیغ کسے اتے کڈ ناہیں جہڑا چھیڑے اوس نوں چھڈ ناہیں
ایہو اعظم دی اے پکار اڑیا ہن جاگ تے ہو ہشیار اڑیا