یہ دل بھی حسینی ہے یہ جاں بھی حسینی ہے
الحمد کہ اپنا تو ایماں بھی حسینی ہے
تو مان یا نہ مان اپنا تو عقیدہ ہے
کہ ہر قاری کے ہونٹوں پر قُرآں بھی حسینی ہے
رَونق ہے جو مساجد میں شبّیر کے صدقے سے
مِنبر بھی حُسینی ہے اَذاں بھی حُسینی ہے
گرنے ہی نہیں دیتا ہے کاندھوں سے نواسے کو
کہ خُوب کہ نبیوں کا سُلطاں بھی حُسینی ہے
جبریل جُھلاتا ہے حَسنین کے جھولے
لگتا ہے کہ آقا کا دَرباں بھی حُسینی ہے
تم سمجھو یا نہ سمجھو اَے اہلِ جہاں لیکن
ہے لَب پہ جو حاؔکم کے یہ بیاں بھی حُسینی ہے
شاعر کا نام :- احمد علی حاکم
کتاب کا نام :- کلامِ حاکم