بہار فطرت نے اپنے رخ توں اُلٹ نے دتے نقاب سارے
میرے محمد کریم آگئے مہک پئے نے گلاب سارے
خدائے واحد دے کول جنے سی چنگے چنگے تے سوہنے سوہنے
اوہ ناویں میرے نبی دے لائے کمال سارے خطاب سارے
حبیب اپنے نوں کول اپنے بُلا کے اسریٰ دی رات رب نے
وکھائے جلوے جمال دے سن اُٹھا کے رُخ توں حجاب سارے
فرشتے مرقد چ آئے ایدھر تے اودھر آگئے حضور میرے
لیاں دے اُتے سوال رہ گئے تے دل چ رہ گئے جواب سارے
اسیں جو کرتوت کر رہے آں کدوں معافی دے سن ایہ قابل
ٹلے نے رہندے نبی دے صدقے اساڈے سر توں عذاب سارے
اکلے کھرباں دے حال اُتے کرم دی برسات کر دے ہوسن
میرے نبی دے مقام کرسن ظہور روز حساب سارے
کرم تھیں میرے کریم صائم خبر اے دتی حقیقتاں دی
نظر دے سارے فریب مُکے تے دُور ہو گئے سراب سارے
شاعر کا نام :- علامہ صائم چشتی
کتاب کا نام :- کلیات صائم چشتی