پل دے پئے نے دو جہاں صدقے حضور دے
وسدے پئے نے سب گراں صدقے حضور دے
صدقے حضور دے بچی کشتی سی نوح دی
پائی خلیل سی اماں صدقے حضور دے
آدم تے حوا پاک دا کر دیتا سی ملاپ
اللہ نے ہو کے مہرباں صدقے حضور دے
آسمان قائم آپ دے صدقے نے ایہہ تمام
ثابت نے سبھے دھرتیاں صدقے حضور دے
آدم دا علم دیکھ کے آدم دی ذات نوں
عده سی کیتا قُدسیاں صدقے حضور دے
حالی تے رو رو ہجر وچ گھڑیاں ہاں گن رہیا
آخر مدینہ ویکھناں صدقے حضور دے
اک وی عمل نہیں کم دا پلے غریب دے
صائم نوں اللہ بخشتاں صدقے حضور دے
شاعر کا نام :- علامہ صائم چشتی
کتاب کا نام :- کلیات صائم چشتی