دل اوہ دل جس دل وچہ اے پیار محمدؐ دا
اکھ اوہ اے جنہوں ہو جائے دیدار محمدؐ دا
واہ اوہ اے کہ جس راہ محبوبِ خدا ٹُریا
تھاں اوہ اے کہ جس تھاں تے دربار محمدؐ دا
سرکار دا بندہ بن رب نوں جے مناؤنا ایں
اقرار خدا دا اے اقرار محمدؐ دا
لعنت دا طبق ملیا تعظیم گئی ساری
شیطان نے کیتا جد انکار محمدؐ دا
ہوجائے گی اللہ دی مجرم دی شفاعت وی
نہ بخشا جائے گا گناہگار محمدؐ دا
یار رب ایہہ ظہوریؔ وی ٹُر جائے مدینے نوں
دل رہندا اے ہر ویلے طلب گار محمدؐ دا
شاعر کا نام :- محمد علی ظہوری
کتاب کا نام :- کِتھے تیری ثناء