دو جگ دا سلطان مدینے والا اے
دو عالم دی جان مدینے والا اے
بُھل جائے تے آپے راہے پادیندا
امت دا نگران مدینے والا اے
طور سی آخری منزل حضرت موسیٰ دی
عرشاں دا مہمان مدینے والا اے
جو کرتوت نے ساڈے بیچ ناں سکدے ساں
ڈک لیندا طوفان مدینے والا اے
گل اوہدی کیوں وحی خدا دی ہُندی ناں
خود ناطِق قرآن مدینے والا اے
ہر اک لوڑ دے ویلے اپنی رحمت تھیں
رکھدا ساڈا مان مدینے والا اے
صائم دے سب دکھاں دا تے درداں دا
دارو تے درمان مدینے والا اے
شاعر کا نام :- علامہ صائم چشتی
کتاب کا نام :- کلیات صائم چشتی