مدینے والیا کر دے عطاواں
تے کر دے دور نالے سب بلاواں
مدینے والیا مینوں وکھا دے
توں شہر اپنے دیاں ہن تے فضاواں
کرم کر کالیاں زلفاں دا صدقہ
غماں دیاں آگئیاں چڑھ کے گھٹاواں
میں جو وی ہاں شہنشاہا ہاں تیرا
ایہہ منیاں ساری دنیا توں برا واں
جو تیری یاد نے میرے تے کیتے
ترے احسان اوہ کیویں بھلاواں
توں اپنے پاک بوہے دے سگاں وچ
حبيبا لکھ لَویں میرا وی ناواں
کرم صائم تے ہے محبوب تیرا
تیرا کھاواں تے تیرے گیت گاواں
شاعر کا نام :- علامہ صائم چشتی
کتاب کا نام :- کلیات صائم چشتی