مدینے وچ نبی سوہنے دا گھر اے
مدینہ سب جہاں توں مقتدر اے
کی پُچھیں گل مدینے دے سخی دی
مدینے دا گدا وی معتبر اے
مدینے وچ جہنے جاکے وچھائی
اہدی جھولی گئی رحمت تھیں بھر اے
جلال و رعب کی اوتھوں دا پُچھیں
مدینے وچ ناں اُٹھ سکدی نظر اے
مدینے وچ ہے در سوہنے نبی دا
تے ایہو در مرے اللہ دا در اے
میرے لیکھاں چ ہونا کہ خدایا
مدینے پاک دا نوری سفر اے
مدینہ نُور دا مرکز ہے صائم
مدینے وچ نبی خُود جلوہ گر اے
شاعر کا نام :- علامہ صائم چشتی
کتاب کا نام :- کلیات صائم چشتی