مدینہ یاد آیا کیوں ناں روواں
غماں نے دل روایا کیوں ناں روواں
مدینے پاک دی ٹھنڈی ہوا نے
خوشی دا مینہ ورھایا کیوں ناں روواں
مدینے دے سفینے چھڈ کے مینوں
ہے لنگر اَج اُٹھایا کیوں ناں روواں
میری اکھیاں دی جھولی وچ سخی نے
ہے خیر اشکاں دا پایا کیوں ناں روواں
بحمد اللہ خیالاں وچہ مدینہ
مہک بن کے سمایا کیوں ناں روواں
خوشی دے نے کدی اتھرو نے غم دے
ہے میل اللہ کرایا کیوں ناں روواں
ایہہ روناں رات دن صائم جے میرا
میرے آقا نوں بھایا کیوں ناں روواں
شاعر کا نام :- علامہ صائم چشتی
کتاب کا نام :- کلیات صائم چشتی