غماں دیاں لگیاں ہویاں نے پالاں یارسول اللہ
میں رکتھے اینے درداں نوں سنبھالاں یا رسول اللہ
مرا دل چیر دے جاندے نے جو صدمات ہر ویلے
کیویں لفظاں دے وچہ اوہناں نوں ڈھالاں یا رسول اللہ
میرا دنیا تے زندہ رہن دا اکو سہارا اے
تسیں رہندے او میرے وچہ خیالاں یا رسول اللہ
تساڈے غم توں وکھ جنے وی غم دُنیا دے آوندے نے
تساڈا نام لے لے کے میں ٹالاں یارسول اللہ
تساں نوں پتہ اے سارا کیوین دم توڑ دتا اے
لباں تے آن کے سارے سوالاں یارسول اللہ
ہنیرے جد وی میرے دل تے قبضہ کرن آوندے نے
تساڈے غم دیاں بالاں مثالاں ، یا رسول اللہ
کرم کرنا خدا را صائم بدحال دے اُتے
ہے کر بے حال دتا میرے حالاں یارسول الله
شاعر کا نام :- علامہ صائم چشتی
کتاب کا نام :- کلیات صائم چشتی