کراں بیان کی شاناں اُس ذیشان دیاں
جس نوں اون سلاماں رب رحمان دیاں
جس دے نوروں خالق سچے گل جہان بنایا
آمنہ دے گھر اُس سوہنے نے آ جلوہ فرمایا
کندھاں ہلیاں سارے کفرستان دیاں
آج اوہ نور خزانہ آیا جس دے کل خزانے
نبی پیغمبر مرسل سارے ہر ہر وچ زمانے
دیندے آئے خبراں جس دے آن دیاں
آج حالیہ لیکھ ترے دے بدلے خوب ستارے
بن کے آج اوہ چھیڑو تیریاں بکریاں نوں چارے
جس دے ہتھ مہاراں کل جہان دیاں
عرش تے احمد نام محمد فرش تے پاون والا
میم دا برقعہ لاہ کے مڑ کے عرش تے جاون والا
کرے اُڈیکاں رب عربی مہمان دیاں
اُس نوں صائم سمجھ نئیں سکدے خاکی نوری ناری
جس دے پاک لباں چوں بولے آپ خُداوند باری
دین گواہی آیتاں پاک قرآن دیاں
شاعر کا نام :- علامہ صائم چشتی
کتاب کا نام :- کلیات صائم چشتی