محفل وچ بیٹھن والیو آج محفل نوں ہور شنگار لوو
میلاد ہے آج محبوباں دا گندھ صل علی دے بار لوو
آج رب سوہنا پیا ونڈ دا اے سر صدقہ یار پیارے دا
آج منگتیو منگنوں سنگیو ناں دامن نوں ہور کھلار لوو
یوسف نئیں آج تے یوسف دے یوسف نے پردہ چایا اے
اک جلوے توں مل جاناں دا جے تار سکو تے تار لوو
کر کٹھیاں حوراں ملکاں نوں ، ارشاد خدا فرماندا اے
بن بن کے ٹولیاں آج میرے محبوب دا کر دیدار لوو
آج دریا رب دی رحمت دا وچ جوش دے صائم آیا اے
اے عاصیو ! بخشے جاؤ گے عیباں دا کر اقرار لوو
شاعر کا نام :- علامہ صائم چشتی
کتاب کا نام :- کلیات صائم چشتی