میرے آقا کملی والڑیا آج کرم دا مینہ برسا جانا
تے پاک میلاد دا واسطہ ای میری اُجڑی جھوک وسا جانا
تُساں ونڈیا پیار یتیماں نوں گل لایا اَساں اثیماں نوں
تُساں تاریا جویں حلیماں نوں اُنج سانوں پار لگا جانا
تینوں واسطہ آمنہ مائی دا جہڑی مان ہے کُل خدائی دا
پا قدم مبارک دو گھڑیاں میرے گھر وچ چانن لا جانا
رکھ لاج لویں اَج لجپالا میرے ورہدے ہویاں ہنجواں دی
تری بزم سب کے بہہ گئے آں اساں ول اَج جھاتی پا جانا
اَج روشن ہو گئیاں گلیاں نے ہنجواں وچ خُوشیاں رلیاں نے
انج لگدا محفل وچ صائم محبوب میرے نے آجانا
شاعر کا نام :- علامہ صائم چشتی
کتاب کا نام :- کلیات صائم چشتی