سارے دُکھاں دی تے درداں دی دوا ملدی اے
طیبہ وچ ساریاں مرضاں توں شفا ملدی اے
یاد خالق دی ملے یادِ مُحمد وچوں
یادِ سرکار چوں ای یادِ خُدا مِلدی اے
آ نہیں سکدے کدی کول ہنیرے اُس دے
جس نوں محبوب دے روضے دی ضیاء ملدی اے
جہڑی مخصوص اے جنت دی فضا تک کیتی
ٹھنڈی اُس نالوں مدینے چ ہوا ملدی اے
کوئی دیوے تے صدا بھاویں نہ دیوے اوتھے
اوہدی رحمت تے گداواں نوں سدا ملدی اے
اوہنوں مل جاندی یقیناً اے رضا الله دی
جیس نوں اللہ دے پیارے دی رضا ملدی اے
آج وی اوندی اے مہک زُلف نبی دی صائم
آج وی انوار دی طیبہ توں گھٹا ملدی اے
شاعر کا نام :- علامہ صائم چشتی
کتاب کا نام :- کلیات صائم چشتی