محمد مصطفیٰ آئے در و دیوار سج گئے نے
اہدے صدقے تھیں سب گلیاں تے سب بازار سج گئے نے
ایہہ صدقہ اے محمد مصطفیٰ دی نعت خوانی دا
اساڈے جہئے غریباں دے وی اج گھر بار سج گئے نے
خوشی اوہو مناندے نے مرے آقا دے آون دی
جنہاں دے سینیاں وچ آپ دے انوار سج گئے نے
حلیمہ لَے کے جاناں جیہڑی طرفوں میرے آقا نوں
اوہ راہواں وادیاں تے پربت و کُہسار سج گئے نے
ایہہ دھرتی حشر تیکر ہُن کدی ویران نہیں ہونی
نبی دیاں عاشقاں دے ایس تے دربار سج گئے نے
گواہی سچی دیندے نے جو آقا دی رسالت دی
اُہناں دیاں مسجداں دے گنبد و مینار سج گئے نے
خوشی دے اتھرو اکھاں دے اندر آگئے آپے
کہیا ہاتف نے جد صائم ترے اشعار سج گئے نے
شاعر کا نام :- علامہ صائم چشتی
کتاب کا نام :- کلیات صائم چشتی