طیبہ دے شہنشہ دا دربار ہے شہانہ
اللہ دے ہر کرم دا طیبہ چ ہے خزانہ
ہر وقت چلدا رہندا لنگر میرے نبی دا
آقا میرے دے در توں پلدا پیا زمانہ
آلِ نبی دے صدقے دنیا بچی ہوئی اے
سب دی اے لاج رکھدا سرکار دا گھرانہ
اُمت نوں یا محمد مشکل نے گھیریا اے
پنجتن دا واسطہ اے آقا میرے بچانا
دربار سوہنا تیرا شالا ہمیش وسے
سرکار عاصیاں نوں دربار تے بلانا
گنبد تیرے توں شاہا جنت نوں وار دیواں
گنبد اوہ ہریا بھریا سانوں وی ہن دکھانا
کر دا ایہو دعاواں صائم ہاں رات دن میں
ویکھن غُلام جا کے آقا دا آستانہ
شاعر کا نام :- علامہ صائم چشتی
کتاب کا نام :- کلیات صائم چشتی