نبیاں دے نبی آجا محبوب خُدا آجا
میں تیریاں راہواں توں ہو جاواں فدا آجا
اوکھی انے گھڑی آئی سرکار دی اُمّت تے
وگڑی اے زمانے دی محبوب ہوا آجا
منہ کر کے مدینے ول منگتے نے کھڑے شاہا
سخیاں دے سخی آجا ، اے گنج سخا آجا
بے چین زمانے نوں حالات نے کر چھڈیا
شبیر دے صدقے تھیں اُمت نوں بچا آجا
ہر پاسیوں گھیر لیا قسمت دے ہنیرے نے
اے مہر مبیں آجا اے ماہ لقا آجا
جے دیر اجے ہووے سرکار دے آون وِچ
سرکار دی چم جالی طیبہ دی ہوا آجا
غم درد جدائیاں دے رو رو کے وی نہیں مکدے
صائم دے شہا آکے ہُن درد مُکا آجا
شاعر کا نام :- علامہ صائم چشتی
کتاب کا نام :- کلیات صائم چشتی