نیویں اے اسمان دی گردن وی جس دے احسانوں
جِن انسان فرشتے اوہدے نوکر دِلوں بجانوں
لفظ نہ کوئی جس دے اندر اوہدا اَدب سمادے
ڈردا ڈردا جَھکدا جَکھدا کڈھاں بول زبانوں
جد اوہ شکل خیالاں دے وِچ آوے دِن چڑھ جاوے
پے پے جاوے شام جدوں وی اُکے شام دھیانوں
ویکھیے کدوں جواب آؤندا اے اوہناں دا اُس دیسوں
رُقعے جہڑے لِکھ لِکھ ٹورے نیں مَیں پاکِستانوں
جہناں اوہنوں صاحب جاتا ربّ نَکلے اوہ خارج ایمانوں
جہیڑے اوہدی حَدّوں نکلے اوہ خارج ایمانوں
جیہڑے اوہدے در تے اپڑے اوہناں منصب پائے
جنہاں اُس توں مُکھ بھوائے رَدّے گئے جہانوں
بنی سہارا جگ دیاں ماڑیاں تے مظلوُماں کا رن
جَدوں کدی وی نَکلی تائبؔ اوہدی تیغ میانوں
شاعر کا نام :- حفیظ تائب
کتاب کا نام :- کلیاتِ حفیظ تائب