ساڈی تے جند جان ہے سوہنا
خالق دی پہچان ہے سوہنا
رج جاندا اوہ محشر تیکر
کر دا جس نوں دان ہے سوہنا
اللہ دا محبوب پیارا
نبیاں دا سلطان ہے سوہنا
مِٹی بناں مدینے دی میں
کِناں ایہہ اَرمَان ہے سوہنا
حکم خدا دا بن جاندا اے
کر دا جو فرمان ہے سوہنا
بعد خدا دے پاک محمد
حمدال دا عنوان ہے سوہنا
جگ صائم مہمان ہے اوہدا
عرشاں دا مہمان ہے سوہنا
شاعر کا نام :- علامہ صائم چشتی
کتاب کا نام :- کلیات صائم چشتی