کیف بھریاں ہواواں مدینے دیاں
نور بھریاں فضاواں مدینے دیاں
دو نہہ جہاناں دی گرمی توں محفوظ نے
مان دے جو نے چھاواں مدینے دیاں
دور صدقے رسولاں دے سردار دے
کیتیاں سب بلاواں مدینے دیاں
فی الحقيقت ٹھکانے نے فردوس دے
سب رباطاں سراواں مدینے دیاں
پُوریاں میرا اللہ اے فرماوندا
آساں جد وی میں لاواں مدینے دیاں
آوے جنت دا جو وی طلبگار اے
سُن رہیاں میں صداواں مدینے دیاں
کملی والے دا صائم کرم ہو گیا
نعمتاں سب میں کھاواں مدینے دیاں
شاعر کا نام :- علامہ صائم چشتی
کتاب کا نام :- کلیات صائم چشتی