چڑھی ہر پاسیوں غم دی بنیری یا رسول اللہ
تے طوفاناں دے وچ کشتی ہے میری یا رسول اللہ
عمل چنگے نئیں میرے ناں سوہنی شکل ہے میری
کراں کس مان دے اُتے دلیری یا رسول اللہ
کرم کر کے در اقدس نے ہُن آپے ای بُلواؤ
میں واہ اپنی تے لائی اے بتھیری یا رسول اللہ
میں کی کرنی ایں سُلطانی تے کی فردوس نوں کرناں
مدینے وچ بنے میری جے ڈھیری یا رسول اللہ
ہے ایہو آرزو صدقے تیرے روضے توں ہو جاواں
پتنگے وانگ لے اکو ای پھیری یا رسول اللہ
تُساں خُود حاضری دا حکم فرمایا سی صائم نُوں
ہے کی ہُن ڈرتے بُلواوَن دی دیری یا رسول اللہ
شاعر کا نام :- علامہ صائم چشتی
کتاب کا نام :- کلیات صائم چشتی