اوہدے مُک جاوندے دُکھڑے تمامی
ملے جس نوں محمد دی غُلامی
وظیفہ ہے بنایا عاشقاں نے
رسول پاک دا اسم گرامی
اہدے در تے جُھکے کعبے دی گردن
نبی بھر دے اہدے در دی سلامی
میرے آقا دے باہجھوں ہور کیہڑا
گنہگاراں خطاکاراں دا حامی
میرے قلب و جگر نوں وجد آوے
جدوں سُن داں نبی دا نام نامی
اوہدی تعریف کی لکھے گا صائم
قصیدہ گو جہدے رومیؒ تے جامیؒ
شاعر کا نام :- علامہ صائم چشتی
کتاب کا نام :- کلیات صائم چشتی