اوّل آخر ظاہر باطن میرا رب تعالیٰ
اوّل آخر ظاہر باطن میرا رب تعالیٰ
کُل ثناواں سب تعریفاں ساریاں حمداں والا
اُس دی شان بلند حسابوں وچ حساب دے ناں آوے
سب دا مالک سب دار رازق سب نوں رزق پچاوے
اوہدے رحم کرم دا ہر دم دو عالم تے سایا
پاک محمد ورگا سوہنا جس پیدا فرمایا
اک اکلا میرا اللہ ہور ناں اللہ کوئی
اوہدا نام لیا تے میری ہر مشکل حل ہوئی
ذکر اوہدا آرام دلاں دا تقدیراں نوں جوڑے
بھاویں کیڈ گناہی ہووے اوہ ناں خالی موڑے
تاہیوں اوہدے در تے دیندی سب خلقت آوازه
رب میرے دا کُھلا صائم سدا رہوے دروازہ