بن تیل دے دیوا بلدا ناں بن پانیوں پودا پھل دا ناں
بن تیل دے دیوا بلدا ناں ، بن پانیوں پودا پھل دا ناں
بن مرشد کلمہ چلدا ناں پڑھو لا إِلهَ إِلَّا الله
اس رات دی شان نرالی اے، ایہہ رات براتاں والی اے
بھر جانی جھولی خالی اے پڑھو لَا إِلَهَ إِلَّا الله
اس رات جو یار مناون گے، جنت دے ٹکٹ کٹاون گے
جو منگن گے سو پاؤن کے پڑھو لا إِلهَ إِلَّا الله
جس جانا تے جس آنا ایں، اس رات حساب ہو جانا ایں
جے چنگا لیکھ لکھاناں ایں پڑھو لا إِلهَ إِلَّا الله
اس رات بنالَو قسمت نوں ، سجنوں چمکا لو قسمت نوں
جاگو تے جگا لو قسمت نوں پڑھو لا إِلهَ إِلَّا الله
اَج کھولے رب خزانے نے ، اَج سب پلے بھر جانے نے
رب بیڑے بنے لانے نے ، پڑھو لا إِلهَ إِلَّا الله
لَے صائم حسن قرینے دا، اَج منگ لئو سفر مدینے دا
رُخ کر لئو ٹھیک سفینے دا پڑھو لَا إِلَهَ إِلَّا الله