ہر اک شے دا والی توں ایں سب دنیا دا سائیاں
ہر اک شے دا والی توں ایں سب دنیا دا سائیاں
ہر کوئی عاجز تیرے اگے تینوں سب وڈیائیاں
عرشی فرشی جِنّ ملائک سورج چن ستارے
توں سبھنا دا خالق مولا تیرے کل پسارے
جوں جوں سوچ وچارن سوچا گُم ہوجاون عقلاں
اک پتلے دیاں کئی کروڑاں ون سونیّاں شکلاں
تیرا شروع اخیر نہ کوئی کدھرے پتہ نہ مل دا
باہجوں امر ترے دے سائیاں پتہ مول نہ ہل دا
کیہہ منگاں کس چیز تے منگاں کیہہ میرے وچ میرا
بِن منگیاں جے توں دے دیویں کیہہ جاندا اے تیرا
دیون کارن داتا ہوندا منگن لئی سوالی
منگ ظہوریؔ اُہدے در توں کوئی نہ جاوے خالی