خُداوندا ! نظر مسکین تے رحمت دی کر دینا
خُداوندا ! نظر مسکین تے رحمت دی کر دینا
رُخ محبوب دے صدقے مری جھولی نوں بھر دینا
علی اصغر دی گردن دے لہو معصوم دے صدقے
میری اولاد توں شیطان دا کر دُور شُر دینا
خزانہ اوہ عطا کرنا ، کمی آوے نہ جس اندر
جہنوں ڈاکو نہ لُٹ سکن اوه دولت مال و زر دینا
ناں مینوں رولنا اغیار دے در تے میرے مولا
جبین شوق نوں دینا تے اپنا سنگ در دینا
طفیل اوہناں دی لا خوف ، سند بخشی اے جنہاں نوں
الم سب ختم کر دینا تے لاہ محشر دا ڈر دینا
ترا تے کم ہے مولا میری فریاد نوں سُننا
مرا تے کم سی سر نوں تیری چوکھٹ تے دھر دینا
تمنا ایں کہ اُڈ کے پہنچ جاواں وچ مدینے دے
اُڈاری واسطے صائم نُوں مولا بال و پر دینا