کیویں کوئی کرے ثنا رب دی
کیویں کوئی کرے ثنا رب دی
نال ہووے نہ جے عطا ربّ دی
کیہڑے پاسے نہیں جلوہ خالق دا
کیہڑی تھاویں نہیں واشنا ربّ دی
خبر اوہدی بد لدی رُت دیوے
گل سناوے پئی ہوا ربّ دی
دھرت تے امبراں دے وچ ہر شے
تسبی کردی رہوے سدا رب دی
جیہڑے پاسے نگاہ کرنا واں
نظر آؤنڈی اے بس ضیا رب دی
نور رب دا وکھاوے وہ مینوں
لوڑاں ہر موڑ تے رضا ربّ دی
ڈھونڈاں کیوں اوہنوں جابجا تائبؔ
جدوں شہ رگ دے کول اے جا ربّ دی