میں دنیا دے کوبے اندر
میں دنیا دے کوبے اندر
گوڈے گوڈے کھبیا ہویا
تینوں رازق، عادل، قادر
سمجھدیاں وی
پٹھیاں سدھریاں جتناں
تے فکراں وچ
ہر دم ڈبیا ہویا
تیرے حکماں تو منہ موڑ کے
خبرے کدھر ٹردا جاواں
ویلے توں کھوہ کے
کجھ گھڑیاں
دھیان ترے ول لان دی خاطر
جد میں تیرے گھر ول جاواں
نال ای جاون سوچ بلاواں
تیرے گھر دے بوہے ولوں
اٹھدیاں فریاداں تے کوکاں
لگن مینوں وانگ بندوقاں
دھیان ترے ول کیوں لاواں
میں کمزور ایمان دا بندہ
!ربا زوراں والیا ربا