مالک الملک لا شریک ہے تو
مالک الملک لا شریک ہے تو
تو ہی تو ہے میرے خدا ہر سو
دونوں عالم کا تو ہی مالک ہے
ہر زبان پر صدائے اللہ ہو
بج رہا ہے جو ساز ہستی کا
اسکی خاموشیوں میں تیری نمو
پتہ پتہ کرے ثنا تیری
کر کے شبنم کے پانیوں سے وضو
شاہ رگ سے قریں تیرا مسکن
ہے تیری جستجو مگر ہر سو
دونوں عالم میں رنگ تیرا ہے
پھول کلیوں میں ہے تیری خوشبو
ذرہ ذرہ ہے تیرا ہی ساجد
تو ہے مسجود لاشریک لہ
دل کی دھڑکن کرے تیری تسبیح
تیرے دم سے میری رگوں میں لہو
زندگی کوئی دم کا میلہ ہے
کر نیازی تو اللہ اللہ ہو