مانے کی ہر ایک شے سے بلند
زمانے کی ہر ایک شے سے بلند ۔۔۔ذکر خدا
خدا کی خدا کے نبیؐ کی پسند۔۔۔۔ذکر خدا
ہر اک راز دل پر نظر کھول دے ۔۔۔ درکھول دے
کہ ہے درد مندوں کا بھی درد مند ۔۔۔ذکر خدا
جو قرآن کے راستے پر چلیں۔۔۔ پھولیں پھلیں
ارادوں پہ سوچوں پہ ڈالے کمند۔۔۔ذکر خدا
خبر لائے دنیا کی اُس پار کی ۔۔۔۔ سنسار کی
ہواؤں کو کرتا ہے مٹھی میں بند ۔۔۔ذکر خدا
جو لمحہ خدا کی ثنا میں بسر۔۔۔۔ وہی معتبر
ہر اک سانس میں گھول دیتا ہے قند۔۔۔ذکر خدا
مظفر یہ احساں ہے وجدان کا ۔۔۔ایمان کا
کرے انتہائے طلب کو دو چند ۔۔۔ذکر خدا