ناموں میں فقط نامِ خدا سب سے بڑا ہے
ناموں میں فقط نامِ خدا سب سے بڑا ہے
صد شکر کہ ہونٹوں پہ مِرے اُس کی ثنا ہے
وہ کہکشاں ہو کہ مہہ و مہر درخشاں
ہر نُور کے پیکر میں وہی جلوہ نُما ہے
یہ رنگ، یہ خُوشبو، یہ بہاریں ، یہ فضائیں
جو کچھ بھی ملا ہے ہمیں خود اس نے دیا ہے
وہ حاتمِ دوراں ہو کہ قارونِ زمانہ
اللہ کی سرکار میں صرف ایک گَدا ہے
تو فیقِ اطاعت بھی وہی دیتا ہے ہم کو
بھٹکے ہوئے ذہنوں کا وہی راہنما ہے
عالم میں کوئی شے نہیں جو اس سے بڑی ہو
وہ خود بھی بڑا اس کا تحکم بھی بڑا ہے