قل ہو اللہ احد
قل ہو اللہ احد
مدد اللہ مدد
دوسرا تیرے سوا کوئی بھی معبود نہیں
بے نیاز اتنا کہ حد ہی کوئی موجود نہیں
صمد اللہ صمد
قل ہو اللہ احد
نہ جنا تجھ کو کسی نے نہ کسی کو تو نے
ساری دنیاؤں کو مہکایا تری خوشبو نے
تو ازل تو ہی ابد
قل ہو اللہ احد
رات بن جائے کبھی مثل سحر تو آئے
دیکھنے والا ہو کوئی تو نظر تو آئے
تجھ سے عاجز ہے خرد
قل ہو اللہ احد
آخرت کا کوئی غم اس کو نہ تڑپائے خدا
اس گنہگار مظفر کو بھی مل جائے خدا
تیری رحمت کی سند
قل ہو اللہ احد
مدد اللہ مدد