سب حمداں دے لائق اللہ اس دیاں سب تعریفاں
سب حمداں دے لائق اللہ اس دیاں سب تعریفاں
کُل ثناواں شاناں اُس دیاں اُس دیاں سب توصیفاں
اس دا نام مقدس لیندیاں ہر مشکل حل ہندی
اُس دا کرم ہووے تے مُکدیاں پل وچ کُل تکلیفاں
میرے اک اک شعر چہ وسدے کرم اوہدے دے جلوے
اُس دے کرم تھیں ہون مکمل تالیفاں تصنیفاں
اُس دے فضل کرم تھیں ملیا خاص مقام ادب دا
کرم اُہدے تھیں دتے آپے سٹ ہتھیار حریفاں
اُس دا کرم ہویا تے منزل کول میرے ٹُر آئی
ورنہ کدوں سی منزل پاؤنی میرے جہے ضعیفاں
سو سو وار ناں کیوں میں صائم اُس دا شکر بجاواں
کر منظور لئیاں نے جہنے میریاں کُل تالیفاں