سارے زمانے پال دا اللہ مرا اللہ مرا
سارے زمانے پال دا اللہ مرا اللہ مرا
دُکھ بندیاں دے ٹال دا اللہ مرا اللہ مرا
کی پھولاں دُکھڑے اوس دے آگے میں اپنے حال دے
محرم اے میرے حال دا اللہ مرا اللہ مرا
سب وکھو وکھ اوہ صورتاں خالق بنا کے ہر گھڑی
وچ سچیاں دے ڈھال دا اللہ مرا اللہ مرا
ارہاں اُلیکے نقش نے پر نہیں بنوندا اک وی
دوجے نوں پہلے نال دا اللہ مرا اللہ مرا
طالب اے اوہدی ذات دی ہر خلق پر طالب اے اوہ
خود آمنہ دے لال دا اللہ مرا اللہ مرا
واللهُ خَيْرُ المَاكِرِين ارشاد بھلیں ناں کدی
واقف اے تیری چال دا اللہ مرا اللہ مرا
صائم اے بس حقدار اوہ کلا حقیقی طور تے
اکرام دا اجلالد دا اللہ مرا اللہ مرا