تُو ہی مالِکِ بَحرو بَر ہے یا اللہُ یا اللہ
تُو ہی مالِکِ بَحرو بَر ہے یا اللہُ یا اللہ
تُو ہی خالِقِ جِنّ و بَشَر ہے یا اللہُ یا اللہ
تُو اَبَدی ہے تُو اَزَلی ہے تیرا نام عَلیم و علی ہے
ذات تِری سب سے بَرتَر ہے یا اللہُ یا اللہ
وَصف بیاں کرتے ہیں سارے سَنگ و شَجر اور چاند ستارے
تسبیحِ ہر خُشک و تَر ہے یااللہُ یا اللہ
تیرا چرچا ہر گھر آنگن صحرا صحرا گلشن گلشن
وَاصِف ہر پھول اور ثَمَر ہے یا اللہُ یا اللہ
خَلقت جب پانی کو تَرسے رِم جھم رِم جھم بَرکھا بَرسے
ہر اِک پر رَحمت کی نَظَر ہے، یا اللہُ یا اللہ
رات نے جب سر اپنا چھُپایا چِڑیوں نے یہ ذِکر سنایا
نَغمہ بار نسیمِ سَحَر ہے یا اللہُ یا اللہ
بَخش دے تُو عطارؔ کو مولیٰ واسِطہ تُجھ کو اُس پیارے کا
جو سب نبیوں کا سَرور ہے یا اللہُ یا اللہ