یا اللہ توں صاحب سچا تے میں عاجز بندہ
یا اللہ توں صاحب سچا تے میں عاجز بندہ
توں سوہنا تے پاک خدایا، میں کوہجا تے گندہ
کیہڑے منہ تھیں حاضر ہوواں وچ تیرے دربا دے
توں چنگا ہر چنگے نالوں میں ہر مندیوں مندہ
تیوں تیوں کجی ودھیری آؤے دل میرے دے اندر
جیوں جیوں ظالم نفس چلاوے حرص ہوا دا اندر
اک دن کدھرے توڑ ناں دیوے دھون خُدایا میری
بھارا روز گناہواں والا ہندہ رہوے پلندہ
تیرے لطف کرم نے مولا میریاں لاجاں رکھیاں
میرے کولوں چج دا ہُن تک کدی نہیں ہویا دھندہ
عالی جاہا ، شہنشاہ ، خلاقا ، رزاقا
قسمت میری دے کوٹھے دا کھول دویں ہن جنده
دا تیرا چھڈ کہیڑ ے پاسے جاوے صائم تیرا
تیرے باہجھوں کون کرے گا لیکھاں نوں فرخندہ