عکسِ ابو ترابؑ ہیں اور جانِ مصطفیؐ
عکسِ ابو ترابؑ ہیں اور جانِ مصطفیؐ
زہرؑ ا کے لعل آپ ؑ ہیں دلدارِ مرتضیٰ ؑ
رویا دلِ امامؑ تو آنکھیں تھیں اشکبار
جب روضۂ رسولؐ سے ہونے لگے جدا
طیبہ کی سر زمین پہ مسکن تھا بے مثال
لیکن کوئی امام ؑ سا اس میں نہیں ملا
آئے مدینے پاک سے جب دشتِ نینوا
کرب و بلا کو نام یہ پھر کربلا دیا
گھیرا تھا اہل بیت کو حزن و ملال نے
جب کربلا میں آن کے وہ قافلہ رُکا
منزل پہ آگئے ہیں کہ محمل اُتار دو
جنّت کے باسیوں سے یہ سردارؑ نے کہا
کرتے گئے نثار جو راہِ خدا میں آپؑ
قربانیوں کا سلسلہ پھر آپ ؑ پہ رُکا
لاشیں پڑی ہوئی تھیں کفن کے بغیر ہی
کیسے کروں بیان میں اب شامِ کر بلا