اَلسّلام اے سیّدِ ھجویر قطبُ الاولیاء
اَلسّلام اے سیّدِ ھجویر قطبُ الاولیاء
السّلام اے مرکزِ توحید، انوارِ اِلٰہ!
سَطوتِ علم ُ الیقین و شوکتِ دین ِ مُبین!
رہبرِ اقلیمِ عرفانِ مُحمّد ؐ مُصطفےٰ!
اے شہِؐ بطحےٰ کے نُور و کاشفِ رازِ خفی ،
شارحِ شانِ ولایت نُورِ چشمِ مُر تضےٰؐ !
قرنِ اوّل میں ترارُخ صُبحِ اوّل کی نمود
مہر و ماہِ عارفانِ ہند کے صدرُ العُلےٰ
نونشانِ عزم و وجدانِ قلوب الصّا لحین
رہبرِ صدق و صفا و منبعِ جود و سخا
گوہرِ نایاب تُو ھے موجِ بحرِ نُورِ حق !
حق پناہ و حق نگر حق گو حقیقت آشنا
خطہءِ لاہور میں سر بستہء راز لاَ اِلٰہ
سر زمینِ شوق و مستی میں بہاروں کی فضا
کعبہِء گنجِ شکر ؒ گنجِ ولایت ، گنج بخشؒ!
قبلہ گاہِ خواجہء ہند الولی روضہ ترا!
یا علی مخدوم ہجویری ؒ یہ ہے تیرا کرم
سر زمینِ پاک میں ہے آج نامِ کبریا
اے فقیر و صُوفی و صدّیق و صنّاعِ سلوک
پاسبانِ سُنّت و شرع و سجودِ بے ریا ؛
یہ زمیں تیری ہے تیرے چاہنے والوں کی ہے
ابتدا ہے لاَ اِلٰہ اس کی یہی ہے انتہا!
آج پھر مِلّت کو ہے اندیشہء کم مائیگی!
آیہء لَا تقنطو کی شرح ہو جائے ذرا
اب ضرورت ہَے شرابِ شوق کی اِس قوم کو
جامِ اِلّا اللہ کو ساقی ذرا گردش میں لا!
توڑنا ہَے پھر ہمیں گویا طلسمِ سامری !
گنج بخشِ فیضِ عالم ہویدِ بیضا عطا
لاَ الٰہ ہر دَور میں قائم رہے گا بالیقیں
ہَے یدِ مومن ہی گویا ہاتھ اب اللہ کا !
سر زمینِ پاک پر ہے کر گسوں کا کیوں ہجوم !
کِس کی غفلت سے ہُوا ملّت کا شیرازہ جُدا ؟
اے ظہورِ صُورتِ بے صُورتِ آقا ئے کُل !
خدمتِ دینِ مُبیں سے فیضِ عالم ہوگیا
تو بیانِ کشفِ محجوب و نشان ِ بے نشاں
اے شہیدِ حُسنِ کامل گنج بخشِ پیرِ ما !
آستاں تیرا ہَے گویا اِک نشانِ دینِ حق ،
تیرے در پر جھُک گیا جو پا گیا راہِ خُدا
دِلّی و اجمیر میں گونجی صدائے گنج بخشؒ
تیرا فیضان ِ نظر قطرے کو دریا کر گیا !
گنج بخشی ہے تیر ی مشہور داتا گنج بخش!
گاہے گاہے یک نگاہے بر فقیرِ بے نوا
واصؔف ِ مسکیں چہ گویدایں مقامِ حیرت است
خواجہء من قبلہِ من گفت قولِ حق بجا !
گنج بخشِ فیضؒ ِ عالم مظہرِ نُورِ خُدا
ناقصاں راپیرِ کامل کا ملاں راہنما