بولی مرشد والی بول
چھڈ کے ہور توں ساریاں گلاں
یار دی مرضی ٹول
بولی مرشد والی بول
جتھے وی کوئی مشکل آوے
مرشد تیرا آن بچاوے
ہر دکھ درد دے ویلے
سجناں پیر نوں سمجھیں کول
بولی مرشد والی بول
مرشد حق دا راه دکھلاندا
منزل اتے توڑ پچاندا
بن رہبر دے راہ نہیں لبھناں
ایہہ دنیا ای گول
بولی مرشد والی بول
عشق ہے چانن عقل ہنھیرا
عقلوں دور سجن دا ڈیرا
عقل دی تکڑی دیوچ پاکے
پیر دی شان نہ تول
بولی مرشد والی بولی
مرداں دی گل سچی جانی
ہتھ ولیاں دے قلم ربانی
مرشد دا پھر پلا بندیا
نہ پھر ڈانواں ڈول
بولی مرشد والی بول
دل دے سارے وہم گنواویں
ہر دم مرشد دے گن گاویں
پیر جدوں دی مل جاوے سجناں
ملدا ای مدنی پھول
بولی مرشد والی بول
ہو جائے تیرا یار جے راضی
کی لینا ایں ہور نیازی
مرشد تیرا قبلہ کعبہ
دل دیاں اکھیاں کھول
بولی مرشد والی بول
چھڈ کے ہور توں ساریاں گلاں
یار دی مرضی ٹول
بولی مرشد والی بول