جے توں چَاہیں شفاعت نبی دی
جے توں چَاہیں شفاعت نبی دی
رَل وچہ جمَاعت علی دی
پیراں دا اوہ پیر لاثانی
جانے سارے راز حقانی
دیکھو عظمت پیر جلی دی
رل وچہ جماعت علی دی
جتھے چن چڑھدا شرماوے
رحمت رب دی واجاں مارے
لَبھ خاک اس پاک گلی دی
رَل وچہ جماعت علی دی
میریاں عملاں ول نہ جاویں
اپنے کرم وَل جھاتی پاویں
ایہو ہندی اے شان سخی دی
رل وچہ جماعت علی دی
اعظؔم نہ کوئی دولت منگاں
نہ دنیا نہ جنت منگاں
خوش ہو جائے آل نبی دی
رل وچہ جماعت علی دی