جس نور سے روشن ہوئے یہ سب زمین و آسماں
جس نور سے روشن ہوئے یہ سب زمین و آسماں
طیبہ سے تا بغداد ہے وہ نور نسبت ضوفشاں
یا غوث اعظم المدد یا شاہِ جیلاں المدد
تو محیِ دیں تو قطبِ دیں تو حامیِ دینِ متیں
ہر دل عقیدت سے بھرا تیری طرف سجدہ کناں
یا غوثِ اعظم المدد یا شاہِ جیلاں المدد
تو رازدارِ انبیا تو تاجدار اولیا
تو ہی وقارِ اتقیا تو پاسدارِ مرسلاں
یا غوثِ اعظم المدد یا شاہِ جیلاں المدد
تیرا قدم ولیوں کے سر تیری ولایت سربسر
روحانیت میں ہر طرف سے تیرا ہی سکہ ہے رواں
یا غوثِ اعظم المدد یا شاہِ جیلاں المدد
سایہ پڑے تیرا اگر کافور ہوں آسیب و جن
برکت سے تیرے نام کی مٹ جائیں سب گمراہیاں
یا غوثِ اعظم المدد یا شاہِ جیلاں المدد
ہے تجھ کو رب کی یہ عطا ناقص کو تو کامل کرے
تیری غلامی جو کرے بن جائے وہ خود حکمراں
یا غوثِ اعظم المدد یا شاہِ جیلاں المدد
تیرا مریدِ باصفا رنج و الم سے دور ہو
سر پر غلاموں کے رہے پرچم ترا سایہ کناں
یا غوثِ اعظم المدد یا شاہِ جیلاں المدد
تو نے مریدی لا تخف کہہ کر تسلی ہم کو دی
تیرا سہارا ہے بڑا اے حامیِ تر دامناں
یا غوثِ اعظم المدد یا شاہِ جیلاں المدد
ہے سلسلہ تیرا قوی نسبت تری عالی رہی
خطبے ترے مشہور ہیں تیری کرامت ہے عیاں
یا غوثِ اعظم المدد یا شاہِ جیلاں المدد
دے دے مرے داتا مجھے صدقہ حسین پاک کا
وسعت دے میرے علم کو مانندِ انجم کہکشاں
یا غوثِ اعظم المدد یا شاہِ جیلاں المدد
آیا ترے دربار میں نظمی جو بیٹا ہے ترا
اس پر کرم ہو اے شہا قطبِ مدارِ انس و جاں
یا غوثِ اعظم المدد یا شاہِ جیلاں المدد