کرو نظر کرم اپنی شہر بغداد یا میراں
کرو نظر کرم اپنی شہر بغداد یا میراں
غلاماں دے رہن ڈیرے سدا آباد یا میراں
سخی محبوب سبحانی ہے تیری ذات لا ثانی
جھکاوندے سر ترے در تے قطب اوتاد یا میراں
تری محفل سجائی بیٹھے نے ایہہ تیرے دیوانے
لباں تے نام ایں تیرا تے دل نے شاد یا میراں
اوہیدا دشمن وگاڑن کی جدھے وی سر تے توں ہو ویں
محافظ اوہدی بن جاندی اے تیری یاد یا میراں
تسیں محفل چہ آئے او تے جلوہ عام کر دیوو
غماں دے ماریاں دے ہون اج دل شاد یا میراں
میں کیوں غیراں توں جامنگاں میں کیوں در در صدا دیواں
ترے در دا سوالی ہاں کرو امداد یا میراں
کدی ویکھے خزاں نہ اکھ بھر کے میرے گلشن نُوں
ترے اگے نیازی دی ہے ایہ فریاد یا میراں